Vedtekter for Sivle-laget
§l
Sivle-laget er landsfemnande for einskildpersonar, organisasjonar, skular, verksemder, institusjonar, kommunar og fylkeskommunar.
§2
Føremålet med laget er å styrkja interessa for, og kjennskapen til Per Sivle si dikting. Dette kan gjerast ved å:
- sjå til at Per Sivle sine bøker og skrifter vert gjort tilgjengelege for ålmenta.
- medverka til at radio, fjernsyn og filmar om og med Sivle si dikting vert tekne vare på
og nytta.
- arbeida for at det vert gjeve ut publikasjonar om forfattaren og produksjonen hans.
- skipa til eit årleg Sivle-seminar på Stalheim/Flåm (månadsskiftet april/mai)
Innhald på slike seminar: foredrag, litterære studiar og ekskursjonar, dramatisering,
musikk-/songaktivitetar.
Sivle-laget skal arbeida for å auka kjennskapen til "Sivle-minne" (bautasteinar, utstillingar, samlingar, mor si grav, m.m.) stø vedlikehaldet der det trengst, og driva oppsøkjande verksemd etter skattar som naturleg høyrer til desse samlingane.
§3
Medlem vert den som godkjenner laget sine vedtekter, og betalar medlemspengar. Årskontingenten fylgjer kalendaråret, og kan variera for ulike kategori ar medlemar. (pensjonistgrupper, institusjonspris, konfirmantpakke.) Prisane vert fastsette kvart år av årsmøtet. Styret kan samla inn midlar til særlege føremål.
§4
Sivle-laget har eit styre på 7 medl, 3 i arbeidsutval (tett busette). Det skal veljast 3 vararep. Styremedlemene med vararep. vert valde på årsmøtet for 2 år om gongen. Styret er vedtaksført når minst 4 medl er til stades. Formannen har dobbelstemme ved stemmelikskap.
Styret skal leia laget etter vedtektene, og dei vedtak som årsmøtet gjer. Styret har ansvaret for rekneskapsføringi.
§5
Rekneskapen skal førast av godkjend rekneskapsførar .Styreleiar attesterer alle utgiftsvedlegg. Leiar og nestleiar har prokura (mynde), og underteiknar i fellesskap.
§6
Rekneskapen skal reviderast av registrert eller statsautorisert revisor. Revisor blir vald av årsmøtet etter tilråding frå valnemnda. Revisjonsmelding skal utarbeidast og leggjast fram for årsmøtet.
§7
Årsmøtet vert halde kvart år i månadsskiftet april/mai. Årsmøtet skal knytast til ei kunstnarleg markering. Årsmøtet handsamar årsmelding og rekneskap, arbeidsplan, vedtektsendringar, og vel styre og revisor. Leiar skal veljast særskilt for 2 år om gongen. Årsmøtet skal kallast inn med minst 1 månads varsel. Kvar årsmøtedeltakar har 1 stemme. Saker som skal handsamast på årsmøtet må vera styret i hende 14 dagar før innkallinga.
§8
Omframt årsmøte kan kallast inn av styret eller når 1/3 av medlemene krev det, med minst 14 dagars varsel. Berre dei sakene som er årsak til innkallingi skal handsamast på møtet.
§9
Framlegg til endringar av vedtektene skal sendast styret innan 1. februar.
§l0
Oppløysing av Sivle-laget kan berre koma etter handsaming på 2 etterfylgjande ordinære årsmøte. I båe høve må det vera 2/3 fleirtal for oppløysing.
Ved oppløysing skal laget sine verdiar setjast av til eit fond, og nyttast til føremål nemnde i §2 i vedtektene. Aurland, Voss og Drammen kommunar forvaltar fondet til vedlikehald av Sivle-minni.