Aasta
(Per Sivle)
Ho Aasta fraa Upplandi
ætta var,
og Gudbrand Kula
het hennar Far.
Sidan til Vestfold
ho Bustad skifta,
den Tid ho vart Harald
Grenske si Gifta.
Og daa der kom Bod
med Sorg-Ord som saud:
um Haralds Svik
og um Haralds Daud,
daa munde det fulla
i Hjarta stinga,
di meir som ho bar
eit Barn under Bringa.
Men Aasta ho er
av det retta To,
og Sorgi ho møter
med Vilje-Klo.
So tenkjer ho Storhugs-
og Heilhugs-Tankar
um nykveikte Livet
ho kjenner bankar.
Og Guten ho fekk
var heil uti Hug,
og difor han just
vart ein Ovkar i Dug.
Dei syntest, dei Tankar
som Mor hans tenkte,
naar sidan i Motgang
han bjartast blenkte.