Bukken
(Per Sivle)
Daa Olav han var
so ein niaars Gut,
Kong Sigurd ein Dag
skulde rida ut.
Men raaka det so,
at alle hans Drengjer
var ute i Arbeid
paa Aakrar og Engjer.
Og Olav for skaut
med Bogen sin der.
"Faa sjaa," sa Kong Sigurd,
"kva Kar du er:
med eg no gjeng inn
og tek paa meg Frakken,
lat sjaa du kann leggja
Salen paa Blakken."
Og Olav han gjekk daa
utan ein Mukk
og sala fyr Kongen
hans gildaste Bukk.
So ropa han: "Du,
no er Skytsen ferdug,
— og det ein Skyts,
som er Mannen verdug!"
Kong Sigurd han vart
baade bleik og raud.
"Er dette ditt Svar,
naar Stykfar din baud!"
"Ja," meinte han Olav,
"di meir eg det prøver,
di betre tykkjer
eg og, at det høver.
Du sjølv er Erving
i Haarfagres Ætt.
Men Svensken og Dansken
hev Haarfagres Rett.
Naar slikt du kann tola,
so segjer seg Resten:
at betre du høver
paa Bukken enn Hesten."