Ragnvald Jarl
(Per Sivle)
Enno ein Svenske,
ein fagna Kar,
aa kveda eit Kvad um
attende eg har:
Ragnvald Jarl,
den gjæve, staute
Svia-Hovding,
hin Vester-Gaute.
Han var av Sviarnes
øvste Ætt,
men endaa so vyrde han
Noregs Rett.
Og gift med Trygvasons
Syster var han.
Og alt i eitt
var ein grepa Kar han.
Og Sveriks Konung
orda som so,
at Noreg sku vera
i Sveriks Klo.
Men Ragnvald han svara:
"Aa nei, min Herre,
— me kunde kje vilja
oss sjølv noko verre."
Og dermed so vart han
i utlæg Stand
og maatte røma
fraa Svia-Land.
— Naar sidan i Auster
han fekk seg eit Velde,
var Ingegerd, Frenka hans,
ute aa Felde.