Sylvester Sivertson
(Døydde 6. desember 1847)
(Per Sivle)
Eg fann i Drammen
ein Bautastein,
som vaktar yver
ein gild Manns Bein.
Det elda Bringa mi
varm, daa eg saag
at her var det Sylvester
Sivertson laag.
Han var av dei fremste,
sorn gjekk i Strid
fyr Noregs Rett
i ei Brjotingstid.
Der Wergeland merket
framfyre bar,
der fylgde du
som ein Fagnakar.
Du gjekk deg til Kvila
so trøytt og saar.
Og lidne er sidan
halvthundrad Aar.
Men me, som hev Livs-eld
av sama Slag,
me flettar ditt Minne
ein Krans idag.
Det gjer me, fordi
du var Noreg tru.
Me lyfter det Sverd,
du laut sleppa, du.
— Gjev det verte sagt,
der me kvar ligg Lik:
Her kviler ein Nordmann
utan Svik.