Tiltak
(Per Sivle)
Var inkje for vel
Vika lidi,
fyrr Olav bar upp
fyr Aasta og Sigurd
si Hug-Traa : aa hevja
Haarfagre-Arven.
Sagde han Sigurd
Syr som so,
at høgt hekk dette
Heiders-Maal
og trengde takast
med Tanke og Varsemd.
Men attaat han endaa
ordfeste straks:
aa tala Tingen
fyr Granna-Kongar;
og alt han aatte
inn han sette,
naar Verket vart fremja
paa viseleg Maate.
Aasta orda:
"Eg er gladare,
di høgre du held
Heiders-Merket.
Kann du koma
paa Haarfagres Kongs-Stol,
eg tel deg med Tolsemd
Trygvasons Aar."
***
Mune dei møtast
med Upplands-Kongarne,
Rørek og Ring
og Raumariks-Drotten,
Gudrød fraa Gudbrandsdal
og Gubben fraa Vardal.
Fagert og friskt
lagde Olav fram;
tala so Sigurd
Olavs Sak.
Reiste han Rørek
Rukka paa Nosi.
— Men hine dei heldt
med Haralds-Sonen.
Og braadleg vart Bod
bore um Upplands-Ting.
Dømdest daa der,
at Olav som Drott
var Arve-Eigar
aat Noregs Rike.
***
Nede ved Nesjar
vart det eit Nappetak;
men Konungen kom
fraa Kampen med Siger.
Svinga Svein Jarl
til Svia-Velde;
fekk han so Hel-Sott,
og Soga hans sluttar.
Men feste alt fastare
Olav Fot
og Namn i Noregs
nyreiste Rike.