Årsmøte og Seminar på Stalheim Hotell
Helga 1- 2 september 2018
LAURDAG 1. SEPTEMBER
Årsmøtet går etter vanleg, fastlagt sakliste. (Sjå saklista)
Seminaret i år vert føredrag av pensjonert fyrstebibliotekar ved Universitet i Bergen, Jan Olav Gatland. Han vil fortelja historia om redaktør, bokhandlar og forleggjar Mons Litleré og samtida hans. Mons Litleré var mellom andre Per Sivle sin forleggjar. Han var også forleggjar for Knut Hamsun, Jens Tvedt, Rasmus Løland, Vetle Vislie, Anders Hovden, Hans Seland, Arne og Hulda Garborg og fleire. Jan Olav Gatland vil gje litt ekstra rom for Per Sivle. Vi vil også få eit bilete av samtida desse forfattarane levde i.
Etter årsmøte og seminaret vert det ein liten pause, før me samlast til ei omvisning på Stalheim Folkemuseum - Tønneberg samlinger www.stalheim.com/museum hotellet sitt eige museum, som ligg like ovanfor hotellet. Trygve Dugstad viser oss rundt.
Festkvelden vert i «Fyrdeslaoen», ein låve i museet som dei har laga til for gjestebod. Her vert det servert 3 retters middag og kulturinnslag. (Ta gjerne med ei varm jakka, det kan vera kjøligt om kvelden i ein låve, sjølv om dei har varmeovnar).
SUNDAG 2. SEPTEMBER
Vi samlast rundt Mor si grav på Oppheim gamle kyrkjegard. Deretter går vi opp til Oppheim gamle prestegard like ovanfor, der vi får ei omvising.
Lunsjen vert på Stalheim hotell.
Prisar
Enkeltrom: kr 950,- inklusive frukost.
Dobbeltrom: kr 1500,- inklusive frukost.
Festmiddag med omvising på Stalheim Folkemuseum: Kr 495,- pr. pers.
Påmelding:
Bestilling av rom: Stalheim Hotell tlf.: 56 52 01 22, e-mail: info@stalheim.com eller på heimesida: https://www.stalheim.com
(stikkord: Sivle-laget)