Olav Kyrre
(Per Sivle)
Han Olav Kyrre,
han tenkte som so,
at Noreg var utyrst
paa Bloddrikka no.
Og dermed han baud
sine Nordmenn i Dugnad
aa køyra til Gards
ein Ting, heiter Hugnad.
Der Federne hogdest,
so Raudbylgja gleim,
der gjekk han i Ferd
med aa stella ein Heim.
Og soleine Brigde
i Stova han gjorde
med fjelgare Aare
og ljosare Ljore.
Han meinte, at Noreg
si Lukka, ho gror
no slett inkje berre
paa Valen si Jord.
- Men Riket han bygde,
og vel han det varda;
og muna kje Mildord,
so baud han det harda.